Klinček
Ne morem ti lagati
da mi je čist vsejeno
če mi se on nasmehne ili ne
poskrivečki me po lasih podraga
i ak mi veli da mi kečka tak lepo stoji.
Ne morem ti lagati
da mi je čist vsejeno
če mi ftrgani klinček na obloku pusti
ili samo mimo hiže prejde ne gledeč.
Ne morem ti lagati
ti ni treba niš povedati,
se vidi jasno kak den
da njemu je svejeno za me
i da mi srce rad tega trpi.
A tebi nigdar ni bilo vsejeno
i navek si z menom bil
mi licitara na proštenju kupil
i materi flance klinčekih za me kral.
Ne morem ti lagati
al Bogeka prosim nek prejde za njom
da ga ne vidim več nigdar
i da bi namesto njega na te mislit štela
da bi črlenu jabuku ti rada dala
i pri meši čist blizu ti stala,
klinčeke samo za te vzgajala.
Ne morem ti povedat
kak bi to štela.
|